ပူတာအိုခရိုင် ဒီချုပ်ပါတီဒုတိယဥက္ကဋ္ဌသည် ဖုန်းအားသွင်းနေစဉ်အင်တာနက်အသုံးပြုရာမှပေါက်ကွဲ၍ လက်ချောင်းများဖြတ်ရပြီး ၎င်းကဲ့သို့ အဖြစ်မျိုးမကြုံတွေ့ရန် သတိပြုစေလိုကြောင်း တိုက်တွန်းသည်။ အမျိုးသားဒီမိုကရေစီအဖွဲ့ချုပ်ပါတီ ပူတာအိုခရိုင်ဒုတိယဥက္ကဋ္ဌဦးရဲ့တီရဲ့သည် ၎င်း၏ Hello အမျိုးအစားဖုန်းဟန်းဆက်ကို အားသွင်းထားစဉ် ဖုန်းအသုံးပြုရာမှ လက်ထဲတွင်ပေါက်ကွဲမှု ဖြစ်ပွားခဲ့သည်။ ယင်ဖြစ်ရပ်ကြောင့် ဖုန်းကိုင်ထားသော ဘယ်ဘက်လက်ချောင်းပျက်စီးပြီး မျက်နှာအနည်းငယ် ထိခိုက်ခဲ့သည်။ ‘‘ပြည်နယ်လွှတ်တော် ဒု ဥက္ကဋ္ဌက ပင်နီအင်္ကျီတစ်ထည်စီ လက်ဆောင်ပေးလိုက်တာကိုသူ့ ပီအေက သူရောက်တဲ့အချိန်လာ ယူဖို့ပြောလို့ရောက်လာပြီးလား လို့မေးမလို့လုပ်တာ။ ဖုန်းနံပါတ် မရှိ လို့ ဖုန်းကနေဗီဒီယိုကောလ် ခေါ်လိုက်တာ။ ဟိုဘက်ကိုတော့ ဗီဒီယိုကောလ်ဝင်လာတယ်တဲ့။ အဲဒီ အချိန်မှာပေါက်ကွဲတာ’’ ဟု မေ လ ၁၈ရက်မွန်းတည့် ၁၂နာရီခန့်က ပေါက်ကွဲမှုအခြေအနေကို ရှင်းပြသည်။
(RSS generated with
FetchRss)
0 comments:
Post a Comment